SKIDAFERD.COM
DAGUR 1 - 15. MARS
LAUGARDAGUR
KEF - MUC - ST. ANTON
Hinir sex fræknu! Eða jafnvel fleiri?
Þá er komið að því! Strákaferðin er að orðin að veruleika. Viðkomustaðurinn ekki af lakara taginu, skíðaparadísin Ischgl í Tyrol í Austurríki. Heimavöllur skíðageðveikinnar, Aprés ski gleðinnar og kórónuveirunnar.
Við ferðumst til Munchen með Icelandair. Skutla (minibus) sækir okkur á flugvöllinn og flytur okkur beinustu leið til Ischgl. Ferðin tekur að jafnaði um 3,5 - 4 klst. Ekki er gert ráð fyrir stoppi á leiðinni, þannig að ágætt er að vera sæmilega nestaður fyrir ferðina. Við getum þó vafalaust platað bílstjórann til að stoppa einu sinni eða tvisvar á leiðinni til þess að kasta af okkur vatni og fylla á guðsveigar.
Við innritum okkur á hótelið, göngum frá farangri upp á herbergi og drífum okkur í framhaldinu út á Onkel Toms skíðaleiguna að sækja þann búnað sem við þurfum. Þar býðst okkur 15% afsláttur.
FERÐADAGUR TIL ST. ANTON
Laugardagur - 15. mars
KEF - MUC FI 532
Við erun allir bókaðir með flugi FI 532 frá Keflavík til Munchen. Flugtími áætlaður 3 klst og 45 min.
MUC - ST. ANTON AM ARLBERG
Það kemur skutla að sækja okkur á völlinn og ekur okkur beinustu leið til Kappl í næsta nágrenni við Ischgl.
Undir venjulegum kringumstæðum tekur ferðin um 3,5 klst. Við getum óskað eftir því við bílstjóra að stoppa á leiðinni til að ná okkur í hresingu í föstu og fljótandi formi eða til að skila af okkur :) Við bætum honum það upp með þjórfé þegar komið verður á leiðarenda.
CHALET ARLBERGBLICK
Við vonumst til þess að koma á hótelið mill kl. 16 og 17. Það tekur sinn tími að koma sér fyrir, skrá alla inn á herbergi og annað sem því fylgir. Við reynum að vera eins snöggir og kostur er því næsta á dagskrá er að nálgast skíði og annan búnað á skíðaleigunni.
ONKEL TOMS
SKI HUTTE
Skíði og annar búnaður hefur verið bókaður fyrir hópinn á Onkel Toms Ski Hutte skíðaleigunni sem er í göngufæri frá hótelinu. Það er nóg fyrir okkur að mæta á svæðið og þau sjá um að græja rest.
KVÖLDMATUR
Engar sérstakar ráðstafanir hafa verið gerðar með kvöldmat. Líklega er best að snæða á hótelinu eða einhverjum öðrum góðum stað í nágrenninu.
SPA & HUGGULEGHEIT
Að loknum annasömum degi er tilvalið að skella sér í SPA-ið og slaka á fyrir krefjandi skíðaferð.
HÓTELBARINN EÐA BEINT Í HÁTTINN
Notalegt er að tylla sér á hótelbarinn. Leggja upp næsta dag eða bara lauma sér upp á herbergi í kósýheit.
